Đah nuih n’hâm “Tâm rnglăp, blău ƀư mhe, lăp rgum, an lĕ nău gĭt blău hun hao lam lĕ rngôch bah kon se, rgop rdâk njêng neh dak têh ndrŏng, hơm răm” Đại hội đại biểu Mpôl mât njrăng nău dơi kon se Việt Nam tâl 4 năm kan 2023-2028 ntơm pơk ngăn ôi 1/12 ta Hà Nội.

Râng đại hội geh 270 đại biểu ntơh măt an rlău 110 rbăn hội viên tâm lam  dak. Năm kan rlău aơ, Mpôl mât njrăng nău dơi kon se Việt Nam n’hanh âk mpôl kan tâm n’gor hŏ nsrôih, lor nchrăp n’hanh blău ƀư mhe âk trong kan gay buăt nthoi, rgum nchih nău lư bah kon se. bah nê ƀư gŭ mĭn, ôp uănh nău rêh, tâm nchră, n’hanh hŏ geh bơi 40 mpôl kan kơl nău rêh dơi sŏk nău rgop đah bơi 7 rbăn tơ̆. Yơn  lah, nău  kan bah Mpôl năm kan mhe aơ nha hôm mâp âk jêr jŏt, ntul rlong đŏng. Đại hội ntrŏng mbra rôih leo ƀư nău  kan bah mpôl tĭng di trong ŭch, tĭng ƀư lăp Luật kon se n’hanh ăp quy định pháp luật geh tât kon se. ndrel đah nê n’hao dăng ăp nău kan nsum rgop âk n’gâng kan mpeh njrăng n’gang tâm lơh ta kon se, nău tih ăp nău  dơi kon se…