Lơ 21/8, Uỷ ban MTTQ Việt Nam n’gor Dak Nông ƀư Đại hội ntoh măt tal V. Năm kan 2024-2029, đah nkô̆ nau n’hao nau kan chính trị bah MTTQ Việt Nam; ƀư tĭng ƀon lan ƀư tơm, n’hao nau dăng tâm rnglăp lam ƀon lan, rgâl mhe nau n’hao săk tam nau kan mặt trận, rgop nau ndâk Dak Nông sâm geh, ueh mhe. Wa Nguyễn Phú Nghĩ, Groi Kruanh Uỷ ban MTTQ n’gor Dak Nông lah rjăp, Đại hội tal V hŏ nchrăp luh nau kan mhe, mhâm ƀư ân MTTQ Việt Nam ăp gưl tâm n’gor ƀư ueh nau kan, ngăn lah tâm nau kan mêt uănh ndrel mbơh nkoch nau bah nau rêh.

Đại hội nchră đă 69 nŭih Uỷ viên Uỷ ban MTTQ Việt Nam n’gor Dak Nông gưl V năm kan 2024-2029. Tâm rơh rƀŭn tal bôk năp, ăp uỷ viên hŏ nchră đă wa Hà Thị Hạnh, Uỷ viên Uỷ ban Râng kan n’gor uỷ, Kruanh Ban dân vận ƀư Kruanh Uỷ ban MTTQ Việt Nam n’gor Dak Nông gưl kan mhe. Đại hội kŏ nchră đă rmôt kan hăn râng Đại hội ntoh măt lam dak MTTQ Việt Nam tal X geh 6 nŭih ngăn, 2 nŭih nchrăp ndơn./.