VOV4.M’nông: Đah nau ƀư kan “Nâp janh, mpŏng ŭch, leo lor, blau nau mhe”, ôi 12/10, geh 450 ntoh măt nŭih mom gĭt blau bah lam tahen hŏ râng lăp tâm Đại hội ntoh măt Đoàn druh ndăm Cộng sản Hồ Chí Minh tahen tal 10, năm kan 2022-2027. Ntoh nau tâm nar Đại hội, ntoh măt Quân uỷ Trung ương, rđau kan N’gâng kan neh dak, Đại tướng Phan Văn Giang kơp dơn ndrel rnê prêh ăp nau kan têh ang ndrel nau blau mhe, têh jêng bah druh ndăm tahen.

Nkre lah rjăp nau kan bah cách mạng, bah tahen tâm rnôk mhe ndŏ tâm săng nglik bah mom ndăm lah nsum ndrel druh ndăm tahen lah êng lah nau kan dŭt n’hâm jâk. Lah kloh 5 nau kan tơm gay ma ƀư ueh n’hâm dăng têh, nau kan leo lor, blau nau mhe bah druh ndăm ndrel nau kan đoàn tâm nê Đại tướng Phan Văn Giang lah rjăp ân geh n’hao nau kan ntĭm nti chính trị, nau mĭn, nau rêh ân druh ndăm, nsôih ƀư jêh ăp nau kan geh jao, rgop nau ndâk ndrel mât nâp neh dak Việt Nam xã hội chủ nghĩa./.

VOV/Nŭih rblang: H’Thi