Ôi ntri (7/8), Đảng uỷ - Bộ chỉ huy quân sự n’gor Dak Lak hŏ ƀư Đại hội tâm rlong geh nău dơi mpôl tahen lvang năm 2019-2024 đah 216 nuĭh ntơh măt ntoh lư ntơh măt an ăp mpôl, ăp nuĭh ntoh lư, dŭt ngăch prăl ta ăp trong kan. Trung tướng Thái Đại Ngọc, Uỷ viên Trung ương Đảng, Tư lệnh Quân khu 5 rnê âk ăp trong leo ƀư tâm rlong nkhôm rnê, tâm rlong geh nău dơi  bah mpôl tahen Dak Lak tâm 5 năm aơ.

Trung tướng Thái Đại Ngọc an lah, ăp năm tât, nô nău lam ntŭr neh, nkual nchroh mbra geh nău tât duh jêr tay, mô gĭt năl lor, ta ntŭk Quân khu, lơn lah ta nkual Tây Nguyên nha hôm lah ngoăy  tâm  ăp ntŭk rŭ hôch geh ma nău roh đăp mpăn, nău ŭch geh, nău dơn kan mât njrăng neh dak tâm  nô nău mhe ndơ̆ luh nar lơn ma jâk. Bah nê, Bộ Tư lệnh Quân khu đă Đảng uỷ - Hội đồng tâm rlong khôm rnê, Bộ Chỉ huy quân sự n’gor Dak Lak rgum rđău đă, tĭng ƀư jăp ăp nkô̆ tơm khlay.