Ôi lơ 19/2, ta ntŭk kan N’gâng kan neh dak, Đại tướng Phan Văn Giang, Kruanh n’gâng kan neh dak hŏ ƀư tơm nar vơt Đại tướng Tea Banh, Groi Thủ tướng, Kruanh n’gâng kan neh dak Campuchia tât khâl ngăn Việt Nam

Jêh rnôk vơt, Đại tướng Phan Văn Giang hŏ tâm nchră đah Đại tướng Tea Banh. Tâm rnôk tâm nchră, Đại tướng Phan Văn Giang ndrel Đại tướng Tea Banh tâm ban nchră, năm 2022 lah năm geh nau khlay bah nau tâm boh bar dak, geh rđau kan gưl prêh bar dak năl lah “Năm tâm boh Việt Nam-Campuchia, Campuchia-Việt Nam”.

Mpeh nau kan tâm boh tâm rơh tât, Đại tướng Phan Văn Giang ndrel Đại tướng Tea Banh tâm ban nkô̆ nau nchrăp tâm boh neh dak 2023 tâm nuih ‘hâm tâm rnơm, tâm ban, săk tam, lah rjăp tâm du đê̆ nkô̆ nau tơm: N’hao nau tâm boh tâm nchră nau, nau kan, tâm rgop mêt uăng, nkân njrăng nau đăp mpăn ueh lăng tâm neh kơh ndrel dak lêng, tâm rgop ƀư ân săk tam nau tâm boh ăp nkô̆ geh tât nau khlay năm Campuchia ƀư tơm SEA Games 32 ndrel ASEAN Para Games 12, lŏ uănh khlay nau kan ntĭm nti ân nŭih, tâm rgop joi rgum leo nsĭt nting tahen tă khĭt rnôk hăn kơl an ndrel nŭih ƀư nau kan bah Việt Nam khĭt tâm Campuchia sĭt ngăn dak nơm tâm rnôk tâm lơh jăl e./.