Ôi 15/8, ta nhih pah kan Bộ Quốc phòng (Hà Nội), Đại tướng Phan Văn Giang, Bộ trưởng Bộ Quốc phòng wơt Tư lệnh mpôl tahen njrăng n’gang neh dak Malaysia dôl gŭ khâl ngăn Việt Nam. Tâm ôp ta rơh wơt, Đại tướng Phan Văn Giang lah rjăp, Việt Nam n’hanh Malaysia lah dak kâng n’har ta dak lêng, lah dak lăp kan nsum uĕh, geh nău dơn kan tâm jay nsum ASEAN.

Đại tướng Phan Văn Giang nchih nkah nău dơi tâm  boh đah tahen bar dak tâm bah ri  aơ nơh, nkre dăn đă let năp tay, tahen bar dak an ƀư ăp tŏng tay, geh nău tam ăp trong kan hŏ n’hanh dôl an ƀư; nsŏng kơl an trong tâm dâl nău kan njrăng n’gang neh dak gưl thứ trưởng, njêng trong tâm nsŏng kơl tahen trôk, tâm nđŭr tahen mom; ntrŭt ntrôl tâm boh tâm ăp trong kan ma bar ding săk geh n’hanh tŏng dăng kơt: công nghiệp quốc phòng, quân y, mât đăp mpăn Liên hợp quốc; nsŏng kơl tay n’hanh tâm kơl nsum ta ăp rgum nchră âk ding.