Nar 17/2, Đại tướng Tô Lâm, Bộ trưởng Bộ Công an hŏ râng n'hanh rđău đă ta ăp tâm nchră n'glôch jêh 10 năm tĭng ƀư NQ TW 8 mpeh trong mât njrăng neh dak tâm nô nău mhe ta ăp n'gor Dak Nông, Dak Lak. Đại tướng Tô Lâm rnê âk ăp nău dơi ma 2 n'gor Dak Nông n'hanh Dak Lak hŏ dơi geh tâm bah ri aơ nơh. Pah kan rdâk njêng Đảng hŏ geh âk nău rgâl uĕh, tŏng đah nău ŭch geh dơn kan rdâk njêng n'hanh mât njrăng neh dak tâm nô nău mhe; njrăng n'gang neh dak lam ƀon lan nkre đah jâng nsing rnă njrăng ƀon lan dơi rdâk ƀư, n'hao dăng; mât đăp mpăn rêh jêng kon nuĭh, njrăng n'gang neh dak, rnă njrăng, mât njrăng n'har bri.

Đại tướng Tô Lâm đă 2 n'gor Dak Nông n'hanh Dak Lak ân uănh khlay ndrel rdâk tay mpôl tâm rnglăp lam rnoi nuĭh, nkre đah mât ndray n'hanh hun hao văn hóa way ơm lam rnoi nuĭh, njêng ntŭk nsing nâp an mât njrăng neh dak tâm nô nău mhe.