Nar ntri (27/2), ta UBND xã Ea H’đing (nkuâl Cư M’Gar), Tỉnh Đoàn Dak Lak ƀư luh hăn kan Khay druh ndăm năm 2023 đah âk nău kan geh nkô̆ khlay, rgum tâm trong kan rgâl mbrô tâm đoàn viên druh ndăm n'hanh nuĭh ƀon lan.

Đah nkô̆ "Druh ndăm hăn lor tâm rgâl mbrô", Khay druh ndăm năm aơ bah druh ndăm Dak Lak mbra an ƀư 10 nău kan têh gưl n'gor, rgum tâm du đêt nkô̆ kơt: Tĭng ƀư nău kan druh ndăm keh mbrô Nkual têl ơm yău n'hanh ntŭk pâl nđaih; Ƀư rgum nchră "druh ndăm Dak Lak" đah nău dơn kan n'hao têh văn hoá tâm rơh mbrô"; rgŏ jă rơh tâm rlong trong sŏng di, blău ƀư mhe an đoàn viên, druh ndăm rchong n'gor Dak Lak tâl I; Mâp măt, tâm dâl nău đah kruanh rđău kan n'gor n'hanh ăp n'gâng kan mpeh pah kan druh ndăm....Lôch nê tĭng ƀư 12 rnoh tât kan tơm tĭng trong rƀŏng, rđău đă bah Đoàn gưl bah lơ. Yuh H Giang Niê, Bí thư Tỉnh đoàn Dak Lak an gĭt: nău kan rgâl mbrô lah nău dơn kan rgum tơm dơi druh ndăm Dak Lak rgum ƀư tâm khay druh ndăm năm aơ.