Ôi 12/12, Mpôl rdâk ƀư Giải Báo chí mpeh ndâk njêng Đảng n’gor Dak Lak rơh tal 6, năm 2024 lĕ ƀư n’glôch jêh n’hanh an ndơ nkhôm an ăp nuĭh ƀư, ndơ geh ndơ nkhôm. Ta nar ƀư, Mpôl rdâk ƀư lĕ an 2 giải A; 4 giải B; 6 giải C n’hanh 10 giải khuyến khích tât ăp nuĭh, ăp rmôt nuĭh. Mpôl rdâk ƀư lĕ uănh mĭn tay, săch 34 tác phẩm uĕh ngăn, njuăl râng Giải báo chí lam dak mpeh ndâk njêng Đảng (Giải Búa Liềm vàng) rơh tal 9, năm 2024.

Aơ lah ăp tác phẩm uĕh ngăn, tâm rnoh 210 tác phẩm dơi săch. Ndơ nkhôm năm aơ le djôt dơn ăp nău rgop ntoh lư tâm nău lah ăp ntil trong kan ndâk njêng Đảng, ngăn lah trong kan ndâk njêng, ƀĭt joet Đảng, mât njrăng n’gâng tơm nău mĭn, njrăng n’gang sa khâm sa ƀer. Lơn lah, âk tác phẩm lĕ nsĭt tay ăp nău mbơh jru hvi, geh nău ơh rblang uĕh tâm ntŭk gŭ rêh. Ta nar ƀư đŏng, wa Huỳnh Thị Chiến Hòa, Groi, Bí thư Rnâng kan N’gor ủy, Kruanh HĐND n’gor Dak Lak lĕ rgŏ jă Giải Báo chí mpeh ndâk njêng Đảng n’gor Dak Lak rơh tal 7, năm 2025.