Tahen Biên phòng n’gor Dak Lak mhe ƀư “Nar tahen Biên phòng lam ƀon lan” tâm xã n’har bri Ia Lôp, nkuăl Ea Súp. Xã n’har bri Ia Lốp geh ndâk tâm năm 2006, tĭng nau ntrơn leo ƀon lan hun hao văng sa mhe bah Binh đoàn 16-N’gâng kan neh dak, rnôk aơ lah Rmôt kan văng sa neh dak 737, Quân khu 5, rnoh nŭih rnôk aơ bah xã nklăp 6.600 nŭih, đah 15 rnoi mpôl ndrel gŭ rêh. Tâm ăp năm rlau aơ, xã Ia Lốp hŏ tâm rgop ngăn đah ăp ntŭk kan, rmôt kan, ăp rmôt ƀư nau kan tâm nkual, ngăn lah Đồn Biên phòng 735, Rmôt kan văng sa 737 ndrel Công an nkuăl Ia Súp ƀư ueh nau kan mât rnă njrăng đăp mpăn, nau kan lam ƀon lan râng mât nkuăl neh, đăp mpăn n’har bri bah neh dak.

Tâm rnôk ƀư nau kan “Nar tahen biên phòng lam ƀon lan”, tâm xã Ia Lốp hŏ ƀư âk nau kan khlay, kơt: Khám, pă dak si mô roh prăk, mât chăm n’hâm soan ân rlau 500 nŭih ƀon lan, pă du ngih gŭ “kơl an bah n’har bri”, pă 10 bôk ndeh vah jâng ân ăp kon se geh nau rêh jêr jŏt, bơi tât 30 nklâm ndơ ân Bí thư, kruanh rnâng kan mât njrăng êng, nŭih bu rnơm, ntoh lư tâm nau kan lam ƀon lan râng mât nau ƀư tơm nkuăl neh, đăp mpăn neh dak./.