Rƀŭn nchră lah nău lah khlay tâm nău mpla nsơ nău kan cà phê Việt Nam lah nsum n’hanh cà phê Buôn Ma Thuột lah êng tâm gưl prêh mhe, hao tât ntŭk pâl nsum bah nău kan cà phê lam ntŭr neh. Rlău 400 đại biểu tât bah N’gâng kan Công thương; Hiệp hội cà phê Ca Cao Việt Nam, ăp n’gâng kan nău kan Trung ương; ntoh măt kruanh ăp n’gor, nkual ƀon têh; ăp nuĭh đại sứ, tổng lãnh sự ăp dak, rmôt kan, hiệp hội lam ntŭr neh n’hanh ăp doanh nghiệp, nkret njêng cà phê râng rƀŭn nchră.

Ntoh ngơi ntơm ƀư rƀŭn, wa Nguyễn Tuấn Hà-Groi Kruanh rnâng kan UBND n’gor Dak Lak an gĭt, aƀaơ cà phê bah n’gpor lĕ tăch n’gluh tât rlău 70 dak n’hanh nkual neh tam lam ntŭr neh, n’hanh lĕ dơi N’gâng kan Khoa học n’hanh Công nghệ kơp dơn ntĭm ntŭk cà phê Buôn Ma Thuột n’hanh dơi mât njrăng ta 32 dak, nkual neh ta lam ntŭr neh. Rƀŭn nchră boăt nthoi tăch rgâl lam ntŭr neh rơh bôk năp dơi ƀư tâm rnôk Lễ hội cà phê Buôn Ma Thuột, lơ mĭn lah nsrôih bah Dak Lak lah ndơ̆ cà phê Buôn Ma Thuột jêng ntŭk tât bah cà phê lam ntŭr neh. 10 samƀŭt tâm ton kan ndrel đah ăp doanh nghiệp tâm n’hanh bah dih dak tâm nău kan cà phê lĕ dơi ký ton ta rƀŭn nchră pơk tay ăp trong tăch rgâl an nău kan ndơ cà phê, rgop mĭn lah nău khlay cà phê, ndoh ndơ lŏ mir Việt lĕ n’hanh dôl hao ngai, dơi gĭt tât ăp nkual neh mhe.