Điện lực Dak Lak aƀaơ dôl mât dŏng 14 trạm biến áp 110kV đah rlău 1.200 ndơ ntrŭp nkra. Tâm khay mih, công ty Điện lực Dak Lak hŏ ƀư bar tơ̆ rlong ƀư rnoh đăp mpăn ta ăp trạm biến áp, uănh năl mât kloh uĕh ndơ ntrŭp dŏng gay đăp mpăn nâp uĕh trong rse điện mât dŏng đăp mpăn.

Nău rlong ƀư ta ăp trạm biến áp 110kV rgum tâm nău uănh năl geh mpănh điện êng tĭng ntŭk, van rhôp n’glaih, cáp nâp dăng… rnôk trôk nar mih phŭt. Nkre, ăp đơn vị n’hao âk nuĭh kan ƀư mât nkra nâp uĕh ndơ ntrŭp dŏng n’hanh nkra lôch jêh lĕ ăp nău nchiăng khan ta ăp trạm biến áp. Lôch ăp rơh rlong, điện lực Dak Lak hŏ ngăch saơ, nkra bah 15 ntŭk rbăn lhơ geh tât rơle lêh êng, ƀư lôch jêh ăp ndơ ntrŭp dŏng gay hŭch bah nău tât khuch, n’hao rnoh nsing nơm kơl pă an điện.