Tĭng nău ntrŭnh, wa Lê Thị Thanh Xuân, groi kruanh mpôl Đại biểu way kan, mât nău kan Đại biểu Quốc hội n’gor Đăk Lăk dơn n’hanh săch an ƀư Giám đốc ntŭk kan ntĭm n’hanh nti n’gor tâm 5 năm, bâh lơ 1/8/2024 ndơn an wa Phạm Đăng Khoa, rlu ranh tĭng lĕ năm kan. Wa Lê Thị Thanh Xuân, deh năm 1977 (47 năm deh), ƀon tơm ta xã Đạ M’rông, nkuăl Đam Rông, n’gor Lâm Đồng.

Lôch tă nti Tiến sĩ Văn hóa dân gian, Cử nhân Sư phạm Ngữ văn. Lôch nti lý luận chính trị cao cấp. Tâm rnôk pah kan wa Lê Thị Thanh Xuân lĕ geh dơn ƀư âk nău kan êng êng, nai nti, chuyên viên ntŭk kan ntĭm nti n’gor Đăk Lăk, groi Hiệu trưởng ngih nti Trung cấp sư phạm Mầm non Đăk Lăk, Groi Giám đốc ntŭk kan ntĭm n’hanh nti n’gor Đăk Lăk, Bí thư nkuăl ƀon têh Buôn Hồ, Đại biểu Quốc hội n’gor Đăk Lăk khóa 14 n’hanh 15.