Nar hội cà phê an dơm geh di rơh ntơm ƀư Lễ hội cà phê Buôn Ma Thuột rơh tal 8, năm 2023. Ăp quán rhŏ an dơm dơi yông băng rôn gay gĭt năl. Ăp quán mô phăt phiếu, nuĭh ƀon lan n’hanh năch tât quán dơi ngêt cà phê mô sŏk prăk.

Tĭng rnoh kơp bah N’gâng kan công thương, geh 472 quán cà phê ta lam n’gor dăn râng bôk nău kan jă năch ngêt cà phê mô sŏk prăk tâm nar 10/3. Tâm nĕ ta nkual ƀon têh Buôn Ma Thuột geh 352 quán rhŏ an ta ntŭk n’hanh 13 quán hăn ta ăp trong Phan Đình Giót, phường Tân Tiến.

Ndrel đah rhŏ an dơm cà phê tâm nar 10/3, aƀaơ geh rlău 50 quán mbra nta an nuĭh ƀon lan n’hanh năch ngêt cà phê mô sŏk prăk bah 2-5 nar tâm nar ƀư Lễ hội.