Kêng măng 20/12, Công an n’gor Dak Lak ƀư rƀŭn nchră trực tuyến đah ăp nkuăl, nkual ƀon têh tâm n’gor gay uănh lah nu nău, trong njrăng n’gang nău tih pháp luật, rmanh geh tât pháo rtoh tâm rơh năm kon hŏk. Tĭng nău mbơh rƀŭn nchră, knŭng tâm pơh aơ ta Dak Lak lĕ saơ 12 nău, 57 nuĭh kon hŏk ê nkra pháo rtoh, âk kon hŏk sôt rmanh.

Ngih pah kan dơi kan lĕ sŏk kân rlău 27 kg hóa chất dŏng ê nkra pháo, bơi 300 grăp pháo ê nkra. Dôl mbơh njrăng lah âk nău ê nkra pháo rtoh geh tât bah âk kon hŏk n’hanh lĕ geh âk nău rmanh yô̆ nđach yor pháo rtoh. Ngih pah kan công an lĕ mbơh ƀư tâm ban, dŭt n’hâm âk trong gay njrăng n’gang, nking n’gang nău rwăt hóa chất sĭt ê nkra pháo rtoh tâm kon se lơn lah kon hŏk; tâm rgop nkoch trêng, rgŏ jă ƀon lan ngăn lah ăp me bơ̆, n’hao gĭt wât n’hanh nău gĭt tĭng pháp luật mpeh mât uănh, nkra njêng, rdêng, dŏng pháo rtoh.