Mbra geh 36 mpôl năch dak bah dih đah klâp ma 230 nuĭh geh mbơh tât râng pâl ta rơh lễ hội cà phê Buôn Ma Thuột tal 8 ta Dak Lak. Na nê̆, mbra geh ndơn kan bâh 7 Đại sứ quán, 5 Tổng lãnh sự quán n’hanh du đê̆ n’gor êng bâh ăp dak Mông Cổ, Campuchia, Hàn Quốc, Lào n’hanh ăp ntŭk kan, hiệp hội, ntŭk kan báo chí, doanh nghiệp lam ntur neh.

Ndrel đah tât râng du đê̆ nău kan tơm bâh lễ hội, ăp mpôl hăn mbra geh tât râng du đê̆ nău kan tăm sầu riêng, nău tăm, nkret ƀư cà phê n’hanh du đê̆ nkual pâl nđaih bâh n’gor Dak Lak. Êng 2 mpôl nghệ thuật n’gor Champasak dak Lào, Jeollabuk dak Hàn Quốc  lĕ mbơh tât râng lễ hội hăn trong n’hanh njroh mprơ nghệ thuật ta 2 nkuăl Lăk n’hanh Buôn Đôn. Rnâng kan leo kan lĕ geh đă ăp ntŭk kan, n’gâng kangeh tât mbơh tơih nău kan vơt năch, kơl răk năch an ueh đah ăp mpôl năch dak bah dih tât râng lễ hội cà phê Buôn Ma Thuột tal 8 năm 2023.

 Đoàn nghệ thuật  Hàn Quốc tại Lễ hội cà phê lần thứ 7 năm 2019.