Tĭng nau mbơh bah UBND n’gor Dak Lak tâm rơh rƀŭn tal 7, HĐND n’gor Dak Lak gưl X, rgum geh tơm prăk Ngih dak năm 2023 bah n’gor Dak Lak mô tŏng nklăp 2000 rmen prăk rđil nau nchrăp, dêh lơn 14,7% rđil năm e. Tĭng nê, tơm prăk Ngih dak tâm n’gor Dak Lak năm aơ, geh 7.770 rmen prăk, tâm ban 76,93% nau nchrăp HĐND jao. Êp ăp nau tă geh khuch bah srê Covid-19, nau kan bah lam ntur neh dôl khuch tât văng sa, nau kan sŏk tơm prăk bah Dak Lak hôm geh nau khuch âk ngăn tât ntŭk kan tăch rgâl bah n’gor dôl mâp nau jêr tâm nau kan ê nkra tăch rgâl.

 Geh n’ăp ma ăp ntŭk kan geh nau rgop têh ngăn ân tơm prăk. Êp nê, nau ƀư ăp nau kơl an ân ntŭk kan tăch rgâl ndrel nŭih ƀon lan geh khuch bah srê Covid-19 kơt: mô sŏk, n’huch, ntoch tay du đê̆ ntil soay kŏ geh nau khuch tât tơm prăk bah n’gor. Nau ngăn lah, tơm prăk geh âk ngăn bah n’gor lah prăk dŏng neh, yor ntŭk ƀư nau kan tăch rgâl neh dôl ma geh nau huch hô ir rđil nau nchrăp./.