Đảng bộ n’gor Dak Lak aƀaơ geh 20 đảng bộ bâh n’gor ủy mât kan, 843 ntŭk kan đảng, đah rlău 83 rbăn đảng viên. Tâm nău ntoh n’gôr, ăp đại biểu lĕ ndrel nkah tay nău way ơm, ntơm ntoh luh bâh chi bộ Cộng sản bôk năp bâh n’gor, nău kan bôk năp bâh Đảng bộ n’gor Dak Lak aƀaơ.

Mbah ryơk an kao si, mpoh su nhang kahgĭt ăp tahen cách mạng lĕ khĭt ta aơ. Wa Lại Đức Đại, groi Giám đốc ntŭk kan văn hóa, thể thao n’hanh pâl nđaih n’gor Dak Lak, ntŭk kan mât uănh nkual di tích Ngih krŭng Buôn Ma Thuột an gĭt, ta lơ 23/11 ăp năm, n’gor Dak Lak ƀa ƀơ geh ƀư rơh mpoh su nhang kahgĭt ta ngih krŭng, mpơl nău lah ueh dŭt n’hâm tât đah ăp rơh bơ̆ nô hăn ba năp lĕ khĭt yor nău kan rdâk njêng n’hanh hun hao n’gor Dak Lăk dơi geh nău dơi kơt aƀaơ.