Cục Mât uănh ntŭk tăch rgâl n’gor Dak Lak mhe an ƀư trong nchrăp kan khay rdâng lơh tăch ntŭng, tăch rlăm n’hanh ndơ mô nâp uĕh bah năp, tâm n’hanh bah kơi Tết Nguyên đán Giáp Thìn năm 2024. Tĭng nê, tâm nklăp ntơm bah 20/11/2023 tât nar 29/2/2024, ăp rmôt mât uănh ntŭk tăch rgâl mpeh Cục mât uănh ntŭk tăch rgâl n’gor Dak Lak mbra hăn ôp uănh đah 111 mpôl, êng nuĭh ƀư njêng, tăch rgâl ta n’gor.

Pah kan hăn ôp uănh mbra rgum tâm ăp ndơ ŭch geh dŏng âk tâm kêng dŭt năm n’hanh Tết nguyên đán kơt bănh kẹo, đường, ndrănh, bia, mhât, dak njŭng, ndơ điện tử, điện lạnh, kho ao, jep ntô jot, ndơ mât rong n’hanh ndơ nkret njêng bah puăch, pháo rtoh, ăp ntil play do….dak n’hâm ŭnh ….ndrel đah ăp rmôt mbra ƀư groi nđôi nău  kan tăch rgâl pring xăng, dak n’hâm ŭnh, mô an geh ƀư n’hao rnoh khlay, nkrem ndơ tăch, n’hao rnoh khlay mô tâm di gay rgop mât đăp mpăn ntŭk tăch rgâl gay rhŏ dŏng Tết an ƀon lan.