Lôch rnôk dơi Bộ Giao thông Vận tải n’hao tơm prăk, ăp nhih pah kan geh tât dôl ntrôl ngăch ƀư trong Hồ Chí Minh der mpeh luh nar Buôn Ma Thuột gay ban ngăch. Wa Phan Xuân Bách, Groi giám đốc Ban mât uănh trong nchrăp kan ntuh kơl ƀư ntung trong n’hanh tuch tăm mât rong n’gor Dak Lak an gĭt, lôch âk tơ̆ njuăl nău dăn đă, tât kêng dŭt khay 10/2023, Bộ Giao thông Vận tải hŏ n’glêh an rgâl trong nchrăp ntuh kơl trong Hồ Chí Minh der mpeh luh nar nkual ƀon têh Buôn Ma Thuột.

Tĭng nê, lĕ rngôch rnoh âk ntuh kơl dơi rgâl bah 1.500 rmen prăk tât rlău 1.841 rmen prăk. Rnoh prăk 341 rmen prăk ntop n’hao tay gay dŏng an đă ntrơn du mhe ntoh luh tay tâm rnôk an ƀư trong. Lôch rnôk dơi pă ăp tŏng tơm prăk, nuĭh tơm ntuh kơl hŏ rđău đă ăp nhih pah kan  geh tât ntrôl ngăch nău kan, nkre đă ntrơn du, nkre ƀư gay ngăch ƀư lôch jêh tâm năm 2024.