Ăp ntŭk kan điện lực Dak Lak dôl nkra uĕh n’hanh mkra ăp ntŭk rmanh mpeh cáp thông tin hăn nsum n’gâng điện gay n’hao uĕh nkual ƀon têh n’hanh tŏng ăp pă an điện đăp mpăn. Aƀaơ điện lực Dak Lak dôl mât uănh rlău 130.200 n’gâng điện geh cáp thông tin dŏng nsum.

Công ty lĕ ntuh kơl ndâk ƀư, nkra n’hao prêh bah n’gâng điện n’hanh mât uănh tŏng ăp tâm di kỹ thuật, đăp mpăn trong điện. Bôl ndrĭ nău nglăp trong cáp thông tin ta n’gâng điện du trong dah ŭch lĕ ƀư geh âk nău ƀư rmanh. Ăp năm bah năp, điện lực Dak Lak ƀư tay nău nkra kăt rgop cáp viễn thông ndrăng nsum n’gâng điện. Trong nchrăp năm 2024, công ty mkra tay lĕ rngôch jong 46 km trong rse viễn thông ndrăng nsum n’gâng điện ta ntŭk nklang nkual ƀon têh, nkual têh Buôn Hồ n’hanh ăp nkuăl Krông Pắk, Buôn Đôn, Krông Năng, Cư M’gar, Ea Kar. Na nê̆ nkra jăng lơi cáp tăch mô dŏng, kăp rgop ăp cáp rmeh, dô̆t thăng tay an prêh ăp rse cáp yŭr.