Tâm nau khuh n’gôr bah lễ hội cà phê Buôn Ma Thuột tal 8 năm 2023, ôi lơ 10/3, ta nkuăl ƀon têh Buôn Ma Thuột, rmôt cà phê Buôn Ma Thuột ƀư nar ntơm rlong nau mpli cà phê kah năm 2023. Aơ lah ngoai tâm âk nau ueh bah Lễ hội, rgop nau ƀư nkô̆ nau leo Buôn Ma Thuột jêng ntŭk tât bah cà phê lam ntur neh. Geh ntơm lơ 10-13/3, rơh tâm rlong rgum geh 33 nŭih tă bah 9 n'gor tâm lam dak, tâm nê, geh 24 nŭih dăng kí mpli Phin kơt nau vay ơm ndrel 29 nŭih đăng ký râng rlong mli Pur V60 (mpli đah phễu ndrel n’ha rđaih trih).

Rơh tâm rlong gay ma saơ, rnê, ryơk, nkoch mbơh rup bah ăp nŭih geh nau blau tâm nau ê nkra cà phê, n'hao nau dơi bah nau njêng ndơ ngêt cà phê ueh kah, tŏng nau ŭch ngêt nar lơn âk bah nŭih dŏng, mbơh, nkoch, hun hao nau kan cà phê kah Việt Nam, văn hoá cà phê Việt Nam rgop nau n'hao nau dơi dŏng tâm dak ndrel rnoh khlay bah ntŭk tăm cà phê Việt Nam./.