Lơ 10/3, ta xã Ea Drơng, nkuăl Cư M’gar, n’gor Dak Lak, công ty cổ phần rmôt kan tăch luh play sa Chánh Thu hŏ ntơm ƀư nau ntơm ndâk Ngih máy nkra play sa tăch luh Chánh Thu Dak Lak. Ngih máy nkra play sa tăch luh Chánh Thu Dak Lak geh nau dăng 70 rbăn tấn play/năm, đah rnoh ntuh kơl rlau 476 rmen prăk. Rơh ƀư ndrel jêh tâm 18 khay. Rnôk leo lăp dŏng ngih máy mra rgum tâm nau rvăt, tâl dŭng ăp ntil play sa rih ndrel ân n’ik kơt: Sầu riêng, chanh rse, bum chin, prit, gu ga, play vai...gay tăch luh dak Trung Quốc, Nhật Bản, Mỹ, Úc.

Tĭng wa Hoàng Trung Kruanh N’gâng kan mât tơm tăm, N’gâng kan tuch tăm ndrel hun hao ƀon lan, đah nau dơi dăng mpeh tuch tăm bah n’gor Dak Lak, rnôk Ngih máy nkra play tăch luh dak ba dih Chánh Thu Dak Lak geh lăp kan ngăn mra rgop nau tâm nau kan ƀư ueh nau geh ê nkra tuch tăm kŏ kơt lah nau kan pă kan pah ân nŭih tâm n’gor./.