Ôi lơ 27/12, Uỷ ban Dân tộc n’gor Dak Lak ƀư lôch 3 năm (2021-2023) ƀư Bôk nau kan “Ntrŭt dăng nau kan nkoch trêng mpeh nau njrăng, rdâng phung tih dôih ma tuý nkuăl rnoi mpôl đê̆ ndrel gôl yôk”. Tĭng nau mbơh tâm nar rƀŭn, ntơm năm 2021 tât rnôk aơ, Dak Lak hŏ saơ, nhŭp kân bơi tât 1000 tŏ, rlau 1.400 nŭih tih ndrel tih pháp luật mpeh ma tuý; nhŭp kân rlau 3kg Hê-rô-in ndrel bơi tât 6kg ma tuý ăp ntil. Lam n’gor geh 445 nŭih dŏng tih dôih chất ma tuý, 866 nŭih mơng su ma tuý geh săm ƀŭt mât njrăng. Bah 3 năm ƀư, ntrŭnh ƀư bah nau kan aơ, nau săk tam nau kan nkoch trêng, mbơh njrăng ma tuý geh n’hao prêh.

Âk nkô̆ nau, nau kan, ntrong kan nkoch trêng geh ƀư tĭng ăp ntil. Tâm rnôk tâm nchră, ăp ntoh măt ân lah, phung tih dôih ma tuý nar lơn ma ƀư âk, nau kan nkoch trêng, bonh đă gay kônh wa n’hao nau nkah njrăng, lơh rdâng ma phung tih dôih mpeh ma tuý kŏ ân geh n’hao prêh ndrel geh nau ntrơn rgâl ân tâm đi. Tâm nê, ân geh ndăn nau kơl an bah bu ranh ƀon, kruanh ƀon, nŭih bu rnơm ndrel ăp nŭih kruanh mpôl chroh gay ma nkoch trêng ân kônh wa gĭt tât nau ƀư tih bah phung tih dôih ma tuý./.