Nău âk kan geh rdâk nkra mhe rlău 150km trong rse trung áp, 345km trong rse hạ áp, 196 trạm biến áp n’hanh ƀư tĭng rgâl mhe âk trạm biến áp ndrel đah âk ndơ rdeng êng. Nkre lah, Công ty lĕ rgum ntuh kơl ƀư lôch âk trong kan công nghệ thông tin, trong pă êng điện dŏng...Đah nău leo kan nsrôih, tâm 7 khay ba năp, điện lực Đăk Lăk lĕ ƀư lôch 20 nău kan, pă prăk rlău 1/3 nău nchrăp kan pă prăk tâm năm. Ăp nău nchrăp kan pơk hvi, n’hao mhe trong rse điện n’hanh âk trạm biến áp lĕ geh mbơh tơih, kơl n’hao nău dơi pă điện n’hanh đăp mpăn ueh, nta nău dơh nơih an nău hun hao wăng sa rêh jêng. Aƀaơ n’gâng kan điện dôl nsrôih tâm rgop đah ăp ntŭk njrăng rmal ăp nău kŏ văk ta trong rklaih đăp mpăn ntŭk gŭ rêh gay ma ntrôl ngăch ƀư tĭng nău kan, nchrăp kan lĕ geh pă prăk ƀư kan.