Ôi 10/3, Bộ Nông nghiệp n'hanh Phát triển Nông thôn kan nsum đah UBND n'gor Dak Lak ƀư sa nkra dak bât rlău 1.600 rmen prăk- dak bât n'gâr dak Ea H’leo 1, dak bât geh nkô̆ khlay mha êng đah nkual neh kroh ntang nkuâl Ea H’leo. Groi Thủ tướng Chính phủ Trần Lưu Quang râng n'hanh pet keh sa nkra.  Trong nchrăp ƀư dak bât Ea H’leo 1 dơi Bộ Nông nghiệp n'hanh Phát triển Nông thôn uănh an dŏng ntuh kơl năm 2017, đah rnoh n'gâr weh ƀư rlău 26 rkeh m3.

Aơ lah dak bât lor bôk năp ta n'gor Dak Lak n'hanh nkual Tây Nguyên geh bât nking dak me jêng n'glău n'gâr weh ƀư lah dak bât bê tông jâk, dŏng ndơ ntop mon buh mpăr. N'glău dak bât dja mbra tâm pă dak me Ea H’leo gay tŏng dak tŏ đăp mpăn an ăp tơm tăm geh rnoh khlay wăng sa âk bah nkuâl; pă dak dŏng rêh, mât rong, công nghiệp, pâl nđaih… rgop dăp rgum tay n'gâng kan tuch tăm tĭng trong rƀŏng n'hao rnoh khlay n'hanh hun hao jŏ jong, n'hao nău rêh nuĭh ƀon lan. Tĭng weh ƀư, dak bât n'glăp dŏng mbra pă dak tŏ an 5000ha neh tuch tăm, njêng geh tơm dak dŏng rêh an nklăp 15.000 nuĭh ƀon lan tâm nkual nchrăp kan.