Kêng măng 5/12, UBND n’gor Dak Lak ƀư Rƀŭn nchră mbơh n’hanh jao nău ntrŭnh tâm pleh n’hanh săch Kruanh Ban mât uănh ăp nkual công nghiệp n’gor. Tĭng nău ntrŭnh, wa Đinh Xuân Diệu-Kruanh UBND nkuăl Krông Pắc dơi tâm pleh n’hanh săch ƀư Kruanh Ban mât uănh ăp nkual công nghiệp n’gor Dak Lak.

Ntoh ngơi dơn nău kan, wa Đinh Xuân Diệu nkoch nău lap rnôk dơi kruanh n’gor nsing nơm, săch jao nău kan mhe; ton mbra mô rlu tiăr nti, n’hao tay nău janh dăng chính trị, nău way kan, mât uĕh nuih n’hâm lĕ đah nău kan, nchrăp gĭt lor nu nău kan; n’hao tâm rnglăp n’hanh nsum mpôl Ban mât uănh ăp nkual công nghiệp n’gor lôch uĕh ăp nău kan dơi jao. Bah năp nĕ, lơ 25/10, Ngih pah kan Cảnh sát uănh nđôi, N’gâng kan Công an lĕ phong nău tih đah wa Bùi Văn Từ-Giám đốc ban mât uănh ăp nkual công nghiệp n’gor Dak Lak gay uănh nđôi mpeh nău ƀư “Dơn prăk sa rklâm, sa ƀer”.