Ôi 9/8, n’gor Dak Nông ƀư Đại hội tâm rlong geh nău dơi mpôl tahen lvang năm 2019-2024 đah 76 nuĭh ntơh măt ntoh lư ntơh măt an ăp mpôl, ăp nuĭh ntoh lư, ngăch prăl ta ăp trong kan.

Siƀŭt mbơh đại hội an saơ, 5 năm aơ, cán bộ, tahen ta Dak Nông way tâm rnglăp du nuih n’hâm, an lĕ n’hâm suan, bôk rngok, nsrôih mât nâp đăp mpăn, ƀư tơm bah neh dak n’hanh đăp mpăn an ƀon l an, rgop hĭng ntơr tay rup gui “Tahen Wa Hồ" tâm rơh rgâl mhe. Tâm 5 năm, hŏ geh hang rmưn tơ̆ cán bộ, tahen kơl ƀon lan nkual jêr jŏt; rgum geh rlău 5,6 rmen prăk rdâk njêng 78 mblâm jay tâm rnglăp; ntop kơl 1,4 rmen prăk kơl ăp rnăk  ach o  nsan hao; but săm dơm nău ji an bơi 1.900 nuĭh ƀon lan ta nkual jru, nkual ngai.