Gay rƀah gĭt ăp nkô̆ nău, ăp nău rgop, dăn đă bah gưl uỷ, n’gâng kan tâm dâng, ôi ntri (15/11), Tỉnh uỷ Dak Nông ƀư tâm nchră mâp măt, tâm dâl nău đah nuĭh mât bôk kan gưl uỷ, n’gâng kan xã, phường, thị trấn. Aơ lah lor bôk năp tâm nchră tâm dâl nău dơi n’gor Dak Nông ƀư tĭng trong ôp rkhêl, ơh nău ôp rkhêl.

Ta tâm nchră, ăp nău ôp, nău dăn đă mpơl lĕ rngôch ta ăp ntil trong kan wăng sa, văn hoá, rêh jêng kon nuĭh, njrăng n’gang neh dak, rnă njrăng, rdâk njêng đảng n’hanh lam trong chính trị. Lôch rnôk djăt nuĭh ntơh măt kruanh rđău kan ăp n’gâng kan, UBND n’gor, HĐND n’gor ơh tĭng nău ôp, nkô̆ nău dơi ndơ̆ luh, wa Ngô Thanh Danh, Bí thư Tỉnh uỷ Dak Nông nchih nkah ăp nău rgop mpơl nău nuih n’hâm kan, nău wĭ wĕ bah tâm dâng. Du gâl tâm nê hŏ dơi ăp n’gâng kan bah n’gor ơh. Thường vụ Tỉnh uỷ Dak Nông gŭ mĭn, nkah djăt tay n’hanh ơh, nkra ăp nkô̆ nău hŏ dơi n’gluh./.