Tât lĕ khay 6 tât, lah ntŭk nchrăp kan i mô hŏ ntơm pah ƀư, mô hŏ n'gluh tơm prăk, n'gor Dak Nông mbra rgâl tơm prăk an ăp ntŭk dôl ƀư uĕh. Nê lah ngoăy tâm ăp nău dăn đă ma UBND n'gor Dak Nông rđău đă gay ntrôl ngăch n'gluh tơm prăk ntuh kơl. Năm 2023, lĕ rngôch tơm prăk ntuh kơl ta n'gor Dak Nông lah 3.473 rmen prăk. Tât kêng dŭt khay 2, lam n'gor hŏ n'gluh nklăp 185 rmen prăk, geh rlău 5% trong nchrăp.

Êng đah ăp bôk nău kan neh dak năm 2023 geh lĕ rngôch tơm prăk bơi 1.120 rmen prăk mô hŏ dơi n'gluh. Rnoh ndơ̆ rgâl tay an ăp bôk nău kan gưl neh dak năm 2022 lah 758 rmen prăk, n'gor mhe n'gluh geh 17%. Ta tâm nchră ntrŭt ntrôl n'gluh tơm prăk ntuh kơl mhe aơ, wa Hồ Văn Mười, Kruanh UBND n'gor Dak Nông đă ăp nkuâl, nkual ƀon têh, ăp n'gâng kan lor nchrăp tâm trong tĭng ƀư, way tâm boh kan nsum lhăt gay n'gluh tơm prăk di  nău kan, tât di rnoh ngăch. Tât nar 30/6/2023, ăp trong nchrăp kan mô hŏ n'gluh tơm prăk ri dăn đă koh rgâl tơm prăk an ƀư ăp ntŭk nchrăp kan dôl ƀư uĕh, nsrôih tât kêng dŭt năm 2023 n'gluh geh rlău 95%.