Rƀŏng tĭng ntrong leo tâm rlong lam dak ndrel ty “jŭt ngih rong mpông sat, n’gor Dak Nông ƀư ntơm ndâk ƀư n’hanh rgŏ jă ntrong leo ta lam n’gor. Ta ntơm rdâk ƀư n’hanh rgŏ jă, Ban ntĭm rđău jŭt ngih rông mpông sat n’gor Dak Nông lĕ an 300 rkeh prăk ntop kơl 5 rnăk ta xă n’har bri Thuận An gay ndâk ƀư jay mhe nâp nâl. Ndrel đah ntop kơl prăk, ăp gưl n’gâng kan ƀon lan, ăp rmôt vũ trang ta ntŭk mbra kơl nuĭh ndoh ndơ gay kơl ăp rnăk ơm jêh ndâk ƀư jay mhe.

Bah tơm prăk ăp bôk nău kan, nău kơl n’hanh kon nuĭh tâm rgop, bah năm 2020 tât aƀaơ, n’gor Dak Nông lĕ ƀư mhe, nkra geh rlău 1.200 mlâm jay an ăp rnăk geh nău rêh jêr jŏt. Lam n’gor aƀaơ hôm e rlău 6.000 mlâm jay truh sat. Tâm nĕ geh bơi 1.800 mlâm jay geh tŏng ndơ gay mbơh ƀư ntop kơl jay gŭ bah ăp bôk nău kan, nău kơl bah ngih dak. Rơh aơ, n’gor Dak Nông geh 540 rnăk dơi ntop kơl ndâk ƀư jay mhe tĭng bôk nău kan rgŏ jă jŭt ngih rông mpông sat bah Thủ tướng Chính phủ rgŏ jă đah dĭng lĕ prăk Trung ương ntop kơl 40 rmen prăk.