Di nkah 50 năm nar rklaih miền Nam, đăp mpăn neh dak, kêng măng 28/4, ta Hà Nội, Tổng Bí thư Tô Lâm tât mpoh kthup tât Đại tướng Võ Nguyên Giáp ndrel Đại tướng Văn Tiến Dũng-Bar rđau kan geh n’hâm kan têh ngăn tâm nau rklaih rnoi mpôl, đăp mpăn neh dak. Tâm ngih bah drâu Đại tướng Võ Nguyên Giáp ta mrô 30 Hoàng Diệu, Hà Nội, Tổng Bí thư Tô Lâm hŏ mpoh kthup, leo nkao, ntoh nŭih n’hâm nkah ngăn tât Đại tướng Võ Nguyên Giáp, rđau kan n’gâng kan tahen ƀon lan Việt Nam. Rlau 30 năm ƀư Rđau kan tahen, Bí thư Quân uỷ Trung ương, moh săk bah Đại tướng Võ Nguyên Giáp geh nsum ma nau dăng dơi bah bar rơh tâm lơh rdâng phung rlăng Pháp ndrel Mỹ, đah nau kan ndâk ndrel mât neh dak.

Đảng, Ngih dak ndrel ƀon lan nơm rnê prêh nau kan têh bah Đại tướng Võ Nguyên Giáp. Ăp kơn cán bộ, tahen nơm ryơk Đại tướng lah nô tơm bah tahen ƀon lan Việt Nam. Tâm ntŭk nkah Đại tướng Văn Tiến Dũng, Tổng Bí thư Tô Lâm hŏ mpoh kthup nkah nuih n’hâm nkah ngăn đah Đại tướng Văn Tiến Dũng, kruanh n’gâng kan neh dak, nŭih hŏ geh nau rgop khlay tâm nau kan tâm lơh rklaih rnoi mpôl, ndâk ndrel mât neh dak Việt Nam xã hội chủ nghĩa./.