Kêng măng 24/4, ta Ntŭk Kruanh dak ta thủ đô Vientiane, Tổng Bí thư, Kruanh dak Lào Thongloun Sisoulith lĕ ƀư tơm wơt Kruanh dak Lương Cường. Jêh rnôk nĕ, 2 kruanh lĕ ƀư rgum nchră. 2 ding mĭn lah tâm boh Việt-Lào lah drăp ndơ dŭt khlay yor ăp rơh me bơ̆ u che ndâk njêng, an dơi mât n’hanh ƀư uĕh lơn. Kruanh dak Lương Cường uănh lah prêh ăp săk rnglăy hun hao bah Lào, mĭn lah Việt Nam mbra kơl mro Lào tâm rgum lăp lam ntŭr neh n’hanh hun hao wăng sa đăp mpăn, ƀư tơm êng.

2 Kruanh tâm ban ŭch prêh an joi trong mhe, geh nău rgâl hao gay n’hao săk rnglăy kan ndrel mpeh wăng sa, văn hóa, khoa học-kỹ thuật tĭng mât uĕh nău geh n’hanh nău dăng bah ăp dak, tâm nĕ n’hao boăt nthoi têh dăng mpeh wăng sa, ntung trong, tơm prăk-prăk kaih, pâl nđaih 2 dak; mbơh ƀư ăp trong săk rnglăy gay nsrôih n’hao geh prăk tăch n’gluh hao 5 rmen đôlar tâm ăp năm tât.