Ta năp êp năm ntii mhe, kêng măng 13/8, Tahen N’har bri n’gor Dak Nông ƀư rnê rhơn 39 kon hŏk ntoh lư tâm ăp bôk nău kan, nău nchrăp ƀư ntop kơl kon hŏk ta n’har bri lam dak n’hanh dak băl Campuchia. Nar ƀư lĕ rnê rhơn 33 mon kon hŏk ta n’gor Dak Nông n’hanh 6 mon kon hŏk ta n’gor Monđulkiri (Dak Campuchia), geh uĕh blău nti nsơm ntoh lư tâm năm nti 2023-2024.

Aơ lah ăp mon kon hŏk dôl dơi tahen n’har bri Dak Nông ntop kơl nti nsơm tă bah ăp bôk nău kan “Ndơ̆ jâng oh tât ngih sam ƀŭt”, “Kon mât pôih tahen n’har bri”, nău nchrăp ƀư “Cán bộ, tahen ndơ̆ jâng oh tât ngih sam ƀŭt” n’hanh ntrong ƀư “Mê̆ mât rong”. Ăp bôk nău kan, nău nchrăp ƀư, ntrong kan ntop kơl kon hŏk nkual n’har bri bah Tahen n’har bri Dak Nông dơi ƀư bah năm 2016. Tât aƀaơ, lĕ ntop kơl an bơi 300 mon kon hŏk n’gor Dak Nông n’hanh 12 kon hŏk n’gor Monđulkiri (Dak Campuchia) đah dĭng lĕ rnoh prăk rlău 6 rmen prăk.