Kêng măng 3/3, ta Hà Nội, Đảng uỷ Khối ntŭk kan tăch rgâl bah Trung ương ƀư rơh rƀŭn mĭn, ntĭm nti, ntrŭnh ƀư ndrel nkoch trêng nkô̆ ndrôm săm ƀŭt “Nsôih rjăp, mât nâp nau lơh rdâng njrăng sa khâm, mpŭng lir, nau tih, rgop nau ndâk njêng Đảng ndrel Ngih dak nơm nar lơn kloh, nâp” bah Tổng Bí thư Nguyễn Phú Trọng. Ntoh nau tâm nar rƀŭn, Groi Bí thư Đảng uỷ Khối ăp ntŭk kan tăch rgâl bah Trung ương Lê Văn Châu, đă, Ăp ntŭk kan, rmôt kan, ăp đảng uỷ tâm Đảng uỷ Khối ân geh mĭn.

Ntĭm nti jru nâp lơn ndrôm săm ƀŭt geh ngăn ma nau ntrŭnh rđau, đă, nchâp, ntrŭnh bah Trung ương, pháp luật bah Ngih dak mpeh nau njrăng, rdâng sa khâm, nau tih ân cán bộ, đảng viên tâm ntŭk kan tăch rgâl, rmôt kan. Ndrel nê, leo nau ntĭm nti nkô̆ nau ndrôm săm ƀŭt tâm nau rƀŭn nchră chi bộ ăp rơh, rƀŭn nchră tĭng nkô̆ gay ma ntrơn rgâl ngăn mpeh nau mĭn, ntrŭt dăng nau ŭch êng, tâm ban nau gay ƀư kan bah cán bộ, đảng viên tâm nau kan njrăng, rdâng sa khâm, nau tih./.