3 khay bah năp, bôl yuh Nguyễn Thị Bích Thủy, Groi Kruanh Công ty TNHH Biofesh ta nkual ƀon têh Đà Lạt nchih âk nău mbơh săch nuĭh pah kan, ƀa ƀơ ôp Ntŭk mbơh joi nău kan n’gor Lâm Đông gay joi nuĭh kan tâm di yơn mô geh săk rnglăy.

Tĭng wa Hoàng Trọng Vinh, Giám đốc Ntŭk mbơh joi nău kan n’gor Lâm Đồng, aƀaơ lam n’gor geh 780 doanh nghiệp dôl geh nău ŭch săch nuĭh pah kan, đah rlău 1.000 ntŭk kan âk rmôt nău kan kơt: tăch rgâl ngêt sa, pâl nđaih, lŏ mir, ka choh kho ao... Dŭt âk ăp doanh nghiệp aơ n’gluh an prăk khay đăp mpăn n’hanh geh trong ƀư kơl an âk yơn jêr dơi joi nuĭh pah kan, ngăn lah ăp nuĭh kan geh nti nău way kan âk kơt kỹ sư nông nghiệp, mât uănh tăch rgâl ndoh ndơ, pơk dŏng ndơ măy mŏk.