Ngih săm ƀŭt Tiểu học Tô Hiệu, nkuăl ƀon têh Buôn Ma Thuột, n’gor Dak Lak mhe geh săm ƀŭt mô ndơn kao tă bah me mbŏ kon se nti di nkah 41 năm Nar nai ntĭm kon se Việt Nam. Tĭng săm ƀŭt mbơh, lah tât nar nkah nai ntĭm kon se, ngih săm ƀŭt ndơn âk ngăn kao bah ăp me mbŏ, kon se nti. Yơn lah, rnoh kao aơ ngih săm ƀŭt knŭng dŏng geh bar pe nar jêh ri klŭp lơi, mpŭng lir ngăn.

Nai ntĭm kon se Đoàn Thị Tuyết Yến-Hiệu trưởng ngih săm ƀŭt Tiểu học Tô Hiệu mbơh, rnôk aơ, ngih săm ƀŭt hôm geh 55 kon se, yor nau rêh jêr jŏt ma mô geh prăk rvăt thẻ bảo hiểm y tế. Bah săm ƀŭt mbơh, ngih săm ƀŭt ŭch ăp rmôt kan, rgâl ma pă nkao di nar nai ntĭm nti kon se Việt Nam, ngih săm ƀŭt dăn rgâl ma nau pă thẻ bảo hiểm y tế ân kon se geh nau rêh jêr jŏt. Jêh rnôk geh săm ƀŭt dơn bah ngih săm ƀŭt, hŏ geh 14 kon se ndơn kơl an. Rnoh du mlâm thẻ bảo hiểm y tế lah 631.800 rêl./.