Tâm 6 nar aơ ta n’gor Kon Tum hŏ geh 3 tơ̆ rmok dak lơh 6 nuĭh khĭt. Tâm 3 tơ̆ rmok  dak lơh 6 nuĭh khĭt geh 2 tơ̆ ta nkual ƀon têh Kon Tum ƀư 3 kon se khĭt n’hanh 1 tơ̆ geh ta xã Hơ Moong, nkuâl Sa Thầy ƀư 1 hê bu kuâng khĭt n’hanh 2 kon se khĭt. Rơh rmok dak geh dŭt mhe aơ ta nar 15/8/2024 ta thôn 5, xã Đoàn Kết, nkual ƀon têh Kon Tum lơh 2 hê kon se khĭt.

Tâm rnôk nê 3 mon: Y La (17 năm deh); Y Luyẽn (16 năm deh) n’hanh Y Lơi (14 năm deh) ndrel gŭ ta thôn Kon Rờ Bàng 1, xã Vinh Quang, nkual ƀon têh Kon Tum hăn rôk ba ta dâng sre thôn 5, xã Đoàn Kết. Rnôk 3 mon rchău ba ta n’glău dak tŏ cà phê bah rnăk wa Đặng Châu Phong ri 2 mon Y La n’hanh Y Luyẽn rlât jâng tŭp n’glău dak, rmok khĭt. Ndrel đah rgum mpôl kan kơl wơt nuĭh khĭt, n’gâng kan ta ntŭk, nsum mpôl ta ntŭk geh ăp rơh rmok dak ƀư chop khâl, mpăn nuih n’hâm rnăk wâl geh nuĭh khĭt. Nkre, n’hao dăng pah kan nkoch trêng, nkah njrăng lor mpeh geh ma nău rmok dak ta ntŭk.