VOV4.M'nông: Tâm nar 12.8, UBND n'gor Gia Lai tâm nchră an ƀư nău kan năm nti 2022-2023. Ta rơh tâm nchră kruanh Ủy ban nhân dân n'gor đă n'gâng kan ntĭm nti n'hanh ăp nkuâl nchrăp dŭt uĕh an năm nti, mô an kon se nti jêr jŏt ntlơi nti. Tĭng nău nchrăp, năm nti 2022-2023 ta Gia Lai mbra dơi ntơm tâm nar 29/8/2022 đah bơi 400.000 kon se nti n'hanh kon se mầm non.

Gay nchrăp uĕh an năm nti mhe, n'gor hŏ tâm pă rlău 623 rmen prăk ntuh kơl drăp ndơ dŏng ntĭm nti, tâm pă tay 1.244 biên chế nai ntĭm an ăp gưl ntĭm nti. Ta rnôk tâm nchră, wa Nguyễn Thị Thanh Lịch- Groi kruanh UBND n'gor Gia Lai đă n'gâng kan ntĭm  nti kan nsum uĕh ndrel n'gâng kan dak si n'hao rnoh âk chuh n'gang COVID-19 an kon se nti; an ƀư uĕh ăp trong njrăng, n'gang nuh srê tâm nhih nti; n'hao nău dơi kan, di rnoh rmôt nai ntĭm n'hanh cán bộ mât bôk kan; tĭng ƀư geh nău tam, đăp mpăn mpêt nkrem đah 3 bôk nău kan gưl neh dak geh tât ntĭm nti; n'hao săk blău tay ntĭm nti nkual rnoi mpôl đê̆./.

Nuĭh rblang: Điểu Thân