Mpla rup bah hoạ sĩ Xu-man, hoạ sĩ rnoi Bahnar tâm Bảo tàng n’gor Gia Lai dôl rgum nau ŭch uănh bah âk mpưm bu năch. Nau mpla n’hơ geh 70 rup, bảng trích, ndoh ndơ, geh pă jêng 3 nkô̆: Nau rêh ndrel nau kan bah hoạ sĩ Xu-man, âk blah rup Xu-man tâm bảo tàng n’gor Gia Lai ndrel du đê̆ rup bah Xu-man tâm Bảo tàng Mỹ thuật Việt Nam. Bah nê, ndâk tay nau rêh, nau kan ndrel nau ƀư vẽ rup bah Xu-man. Ăp ntil rup kŏ geh păng vẽ tâm ăp năm ntơm 1975 tât 2005, ngăn lah đah sơn dầu.

Ăp nkô̆ nau tơm ma rup Xu-man nkah tay nau ŭch rŏng bah nŭih Tây Nguyên đah rđau kan Hồ Chí Minh bah ăp rup mpeh Wa Hồ pah kan, Wa Hồ đah kônh wa Tây Nguyên, Nuih n’hâm rŏng dak bah ƀon lan Tây Nguyên geh nkah bah ăp rup bonh đă, kơl an; Nau ơm yau bah Tây Nguyên kŏ geh nkra ueh bah ăp rup tât nau ƀư lơi môch, tur chĭng goh gong ndrel nau rêh ăp nar kơt peh ba, tanh sah./.