Ƀư tĭng 6 nău Wa Hồ ntĭm rmôt Công an ƀon lan, năm bah năp, Công an Gia Lai rdâk nkra mro jêr jŏt, rgum mât njrăng đăp mpăn ăp nău rƀŏng khlay n’hanh joi nuĭh tih dôih, mât njrăng rnă njrăng n’hanh ndâk njêng rmôt kan.

Tĭng nĕ, Công an n’gor lĕ nchrăp ƀư tâm ban, dŭt n’hâm ăp nău kan, trong mkra, ngăch mkra ăp nău ntoh lư mpeh rnă njrăng, đăp mpăn; mkra ngăch ăp nău tâm pit, tâm rkeh tâm ƀon lan, mô an jêng nău “duh jêr” jêr jŏt đah rnă njrăng, đăp mpăn. Saơ, nking n’gang n’hanh phah âk trong ndơ̆ nuĭh rnoi mpôl đêt hăn dak  bah dih, rmal âk nuĭh tih rnă njrăng ngih dak. Ndrel đah nĕ, Công an n’gor Gia Lai lĕ jêh di ngăch nău nchrăp nkra njêng, pă n’hanh mât uănh Căn cước nuĭh ƀon lan.... Ta nar ƀư nkah gĭt, 2 rmôt, êng nuĭh dơi dơn bằng khen bah Kruanh N’gâng kan Công an; 20 rmôt, êng nuĭh dơi dơn Bằng khen bah Kruanh UBND n’gor Gia Lai n’hanh 50 rmôt, êng nuĭh dơi dơn Bằng khen bah Giám đốc Công an n’gor Gia Lai yor lĕ geh âk tâm ăp ntrong leo tâm rlong ƀư tĭng 6 nău Wa Hồ ntĭm rmôt Công an ƀon lan.