Tâm nĕ, Hội chữ thập đỏ ăp gưl n’gor Gia Lai nsrôih mĭn uănh, ntop kơl an 25.000 nuĭh, đah dĭng lĕ khlay nău ƀư 15 rmen prăk. Ntrong leo “Tết kơl nuĭh Xuân Quý Mão-2023” mbra dơi ƀư bah nar 1/1/2023 tât nar 16/1/2023 (bah nar 10 tât nar 25 khay 12 năm Nhâm Dần).

Tết Quý Mão, n’gor Gia Lai nchrăp ntop kơl nklăp 25 rbăn nuĭh ach o, nuĭh geh nău rêh jêr jŏt.

Ntrong leo rgŏ jă nuĭh bah nsum mpôl gay ƀư ăp ntrong kan “An ndơ-răm Tết” gay ntop kơl đah drăp ndơ, nuih n’hâm an nuĭh ach o, nuĭh geh nău rêh jêr jŏt dơi răm năm mhe, wơt Tết, rgop ndâk njêng nsum mpôl tâm rnglăp, tâm kơl. Ăp nău ƀư bah Ntrong leo “Tết tâm kơl” dơi ƀư đăp mpăn tĭng nău way, văn hóa n’hanh nău ơm bah nuĭh ƀon lan. Ntrong leo mât uĕh ntop kơl nsum mpôl gay ăp nuĭh ƀon lan ƀư lĕ nău kan đah nău rêh jêng bah nơm đah nuĭh ach o, nuĭh geh nău rêh jêr jŏt.