Nthoi tay rơh pah kan rơh hop tâl 15, khóa XII (năm kan 2021-2026), nar ntri (7/12), HĐND n’gor Gia Lai tâm nchră âk nkô̆ khlay rgum tâm ăp trong nkra hun hao n’hanh tĭng ƀư ăp rnoh tât kan gưl neh dak ta n’gor.

Tâm rơh tâm nchră ta hội trường, đại biểu mpơl nău rgop, bol UBND hŏ njêng âk rmôt hăn ôp uănh, droh rklaih jêr jŏt, kŏ kol, yơn 7/21 rnoh tât hun hao wăng sa- rêh jêng kon nuĭh năm 2023 bah n’gor Gia Lai mô dơi tât. Yor kơt nê̆, ăp n’gâng kan ân geh trong  nkra êng, ngăn ngăn gay tĭng ƀư nău dơn kan. Wa Phạm Minh Trung- Giám đốc Sở Tài nguyên Môi trường Gia Lai tâm nchră, ƀư kloh nkô̆ jêng tât ăp nău jêr jŏt tât dơi đah neh ntu bah hợp tác xã, trong rƀŏng mât nkô̆ nău ntŭk mât rong, nsŏng kơl ntrŏng rnoh khlay neh gay ntrôl ngăch ntuh kơl đŏng. Nkre, dăn đă ăp nkuâl kan nsum an ƀư ngăch ăp siƀŭt gay kơl neh an nuĭh ƀon lan tâm rnoh tât kan gưl neh dak hun hao wăng sa- rêh jêng kon nuĭh nkual rnoi mpôl đê̆ đŏng./.