Lơ 21/2, N’gâng kan mât njrăng bri n’gor Gia Lai geh nau ntrŭnh đă ăp rmôt kan tâm ntŭk ân ngăch tâm rgop ma nkuăl Kông Chro mêt uănh nau ntŭng kăl 125 tơm si tâm khoảnh 7, khoảnh 10 tiểu khu 792 ntŭk mât njrăng bri bah Công ty TNHH du ntŭk kan Kông H’de, neh xã Sơ Ró, geh saơ tâm lơ 15/2 mhe rlau. Bah năp nê, nsing tâm nau mbơh bah tơm mât njrăng bri, lah Công ty TNHH du ntŭk kan mât njrăng bri Kông H’De.

Ntŭk mât njrăng bri nkuăl Kông Chro tâm rgop đah ăp ntŭk kan ƀư nau hăn mêt uănh ntŭk bu kăl si dŭt âk tâm ntŭk công ty aơ mât. Nau geh mêt uănh ân saơ, geh 125 tơm si tâm ntŭk mât njrăng bri bah Công ty TNHH Kông H’de, geh tơm nâng, khuăr, nting ka geh bu ntŭng kăl. Rnoh si blon rnôk aơ geh khuch lah 30,2 m3. Rnôk aơ, ăp n’gâng kan dôl ma lŏ ƀư nâp nau kan, rgot joi nŭih ƀư tih, rklaih mhal tĭng nau ntrŭnh bah pháp luật./.