Kêng măng 10/3, ta Gia Lai, Mpôl pah kan bah Bộ Tài nguyên n'hanh Môi trường hŏ geh rơh pah kan đah UBND ăp n'gor Tây Nguyên n'hanh bar n'gor Ninh Thuận, Bình Thuận mpeh sŏk nău rgop ƀon lan đah trong nchrăp Luật neh ntu (rgâl nkra). Ta rơh tâm nchră, sŏk nău rgop an lah, nkual Tây Nguyên geh ăp nău mha êng, lơn lah ăp nkô̆ nău mpeh lịch sử, nuĭh ƀon lan dah rŏng ntrơn du, lah nkual geh âk rnoi mpôl đê̆, neh tăm bri âk...Yor kơt nê̆, ta du đêt nkô̆ ân quy định na nê̆ n'hanh mô tâm chong cheng đah ăp luật êng ƀa ƀă.

Lơn  lah mât uănh neh tuch tăm, lâm trường, trong kơl neh an ƀon lan rnoi mpôl đê̆, quy định rnoh khlay neh tâm ban đah ntŭk tăch rgâl. Lah ta rơh pah kan, Thứ trưởng Bộ Tài nguyên n'hanh Môi trường Lê Minh Ngân an gĭt, tât aƀaơ, ăp n'gor lam dak hŏ n'gluh an trong nchrăp an ƀư sŏk nău rgop ƀon lan đah trong nchrăp Luật neh ntu (rgâl nkra). Âk nkuâl hŏ an ƀư tât gưl xã. Tĭng wa  Lê Minh Ngân, Bộ Tài nguyên n'hanh Môi trường mbra ngăch njuăl nău mbơh rgum sŏk nău rgop ƀon lan mpeh trong nchrăp Luật bah ăp n'gor, N'gâng kan an Ủy ban Kinh tế, Ủy ban Pháp luật bah Quốc hội mpeh nău rgum djăt nău rgop bah ƀon lan bah nhih pah kan nchih rgum.