Kêng măng 23/12, ta Hà Nội, Tổng Công ty Điện lực Dầu khí Việt Nam ƀư nkah ndray 15 năm Nar njêng n'hanh wơt dơn Huân chương Lao động hạng Nhì. Groi Kruanh dak Võ Thị Ánh Xuân, Groi kruanh bôk năp Hội đồng Tâm rlong-Khôm Trung ương râng nkah ndray. Tâm 15 năm aơ, Tổng Công ty Điện lực Dầu khí Việt Nam hŏ mô rlu hun hao têh dăng n'hanh jêng nhih pah kan ƀư njêng điện têh tâl bar ta Việt Nam, bah kơi Tập đoàn Điện lực Việt Nam.

Tât aƀaơ, Tổng Công ty Điện lực Dầu khí Việt Nam hŏ dŏng 7 nhih máy điện lĕ rngôch rnoh dŏng geh tât 4 rbăn 209 MW. Lĕ rngôch rnoh âk drăp ndơ hao 12 tơ̆, geh 56 rbăn 502 rmen prăk rđĭl đah 4 rbăn 779 rmen prăk ta rnôk ntơm njêng năm 2007. Ta rơh Lễ, ntơh măt Kruanh rđău kan Đảng, Ngih dak, Groi kruanh dak ntăm an Huân chương Lao động hạng Nhì an Tổng Công ty Điện lực Dầu khí Việt Nam hŏ geh nău dơi âk tâm pah kan ntơm bah năm 2017 tât năm 2021, rgop tâm n'gâng kan rdâk njêng chủ nghĩa xã hội tâm mât njrăng neh dak.

VOV/Nuĭh rblang: Điểu Thân