Kêng măng ntri (21/8), Groi Kruanh dak Võ Thị Ánh Xuân khâl n’hanh pah kan đah ăp đơn vị Hải quân ta ntŭk gŭ nde tahen Cam Ranh, n’gor Khánh Hòa. Groi kruanh dak Võ Thị Ánh Xuân tât khâl, pă nklâm ndơ, rnê nuih n’hâm an gơih nđơr đơn vị Lữ đoàn tàu ngầm 189, Quân chủng Hải quân; Lữ đoàn tàu măt dak 162, Nkual 4 Hải quân.

 Khâl cán bộ, tahen Bộ Tư lệnh Nkual 4 Hải quân, Groi Kruanh dak Võ Thị Ánh Xuân mpơl nău rhơn bah năp têh dăng bah ăp mpôl tahen mpeh Nkual 4 Hải quân, mô dơn tiăr nti nchrăp rdâng lơh, kơl nuĭh geh nău tât ma hôm  lah ntŭk nsing nơm nâp dăng an ƀon lan lơh joi  ka hăn krêp dêh dak lêng đŏng. Đah Nkual 4 Hải quân, Groi kruanh dak dăn đă ƀư jăp 3 rmôt nău dơn kan: mât njrăng nâp ƀư tơm dak lêng, gôl dak; đăp mpăn rnă njrăng ta dak lêng n’hanh hun hao wăng sa dak lêng nâp dăng.