Ôi ntri (30/8), ta Nhih pah kan kruanh dak, Groi kruanh dak Võ Thị Ánh Xuân mâp măt Mpôl ntơh măt său mbleh Wa Hồ lah ăp kon se nti, nuĭh mât bôk đội blău ăp gưl bah n’gor Bình Dương. Lvang năm 2020-2023, ăp trong leo tâm rlong bah ăp kon se đội viên, kon se jê̆ n’gor Bình Dương hun hao dăng, dơi geh âk nău uĕh kơt: Trong leo “rbăn nău kan uĕh”, trong leo “Nchrăp kan jê̆”, trong leo “Trần Quốc Toản”.

Kêng dŭt hŏ geh bơi 500 rbăn đội viên, kon se jê̆ ntoh lư lam n’gor dơi mpư rnê Săk ntơ Său mbleh Wa Hồ. Groi Kruanh dak lah rjăp, Đảng, Ngih dak n’hanh ƀon lan he way rong an nău rŏng, nău nta trong dơh êng đah pah kan mât chăm, njrăng n’gang n’hanh ntĭm nti druh ndăm rchong, kon se jê̆, way nta trong dơh an ăp kon se geh ntŭk gŭ rêh kơt nti, tâm rgâl nău gĭt blău, tiăr nti han săk, jêng nuĭh rêh uĕh, jêng nuĭh ƀon lan uĕh tât rnôk ăp  kon se têh jêng bah kơi tay./.