Rlău 35 năm ndâk njêng, nsrôih n’hanh têh jêng lĕ jêng ntŭk mĭn  njêng khoa học n’hanh công nghệ âk nău kan mpeh nhiệt đới, dơi nsing nơm ta Việt Nam, Liên bang Nga n’hanh lam ntŭr neh. Săk rnglăy mĭn njêng bah Ntŭk kan lĕ rgop khlay hun hao khoa học, công nghệ lah nsum, khoa học, công nghệ, kỹ thuật tahen lah nsum, rhŏ an geh săk rnglăy nău kan tahen, mât njrăng bri dak n’hanh hun hao wăng sa rêh jêng neh dak, tâm di nău ŭch bah lam dak Việt Nam n’hanh Liên bang Nga.

Ntoh ngơi ta nar ƀư, ndơn măt kruanh Ngih dak, Groi Kruanh dak Võ Thị Ánh Xuân mbah rhơn ăp săk rnglăy, nău uĕh ngăn ma Trung tâm nhiệt đới Việt-Nga lĕ dơi geh tâm rlău 35 năm bah năp; mpŏng ŭch n’hanh nsing nơm, Trung tâm Nhiệt đới Việt-Nga mbra mât uĕh nău way ơm tâm rnglăp, kan ndrel n’hanh săk rnglăy, nău lĕ dơi geh, n’hao dơi ntĭm rđău, soan kan têh gưl ủy, rmôt kan đảng n’hanh mât uănh, ntĭm rđău ta rmôt cán bộ, tâm ôp tâm nchră lor, dăn đă ăp trong na nê̆ gay n’hao, pơk hvi kan ndrel, n’hao săk rnglăy nău kan, rhŏ an nău ƀư tĭng nău kan tahen, mât njrăng bri dak n’hanh hun hao wăng sa-rêh jêng bah lĕ 2 ding.