Lơ 10/1, nkuăl ƀon têh Hải Phòng ƀư rƀŭn ntrŭnh ƀư nau hun hao văng sa, rêh jêng, neh dak, rnă njrăng nkuăl ƀon têh năm 2024. Groi kruanh dak Võ Thị Ánh xuân, Groi kruanh bôk năp Hội đồng tâm rlong rnê nkhôm Trung ương râng rƀŭn. Nthoi ăp nau tă dơi geh tâm ăp năm rlau aơ, năm 2024, Nkuăl ƀon têh Hải Phòng ndŏ nkô̆ nau hun hao văng sa, rêh jêng rjăp đah ăp nkô̆ nau prêh lơn năm 2023, tâm nê: Nau hun hao rnoh geh tâm nkuăl GRDP ntơm 11,5%-12%; rnoh mrô tuch tăm công nghiệp IIP hao 15%; rnoh geh tơm prăk Ngih dak geh tâm nkuăl rlau 106.761 rmen prăk;

Rgum nau ntuh kơl tă bah dak ba dih geh 2-2,5 rmen đolar. Gay dơi geh nkô̆ nau, nkuăl ƀon têh Hải Phòng hŏ nchrăp luh du đê̆ nau kan ndrel ntrong kan ngăn, tâm nê rgum pơk hvi ntrong kan văng sa, rgâl mhe nau kan công nghệ, mpông dak lêng-logistics, pâl n’aih, tăch rgâl, ntrŭt dăng nau rgâl mhe hành chính, tư pháp, ƀư nau rgum rmôt kan hành chính gưl nkual, gưl xã, njrăng, rdâng sa khâm, ƀư têm nkrem, rdâng mpŭng lir./.